Կասպից ծովում Ռուսաստանի ռազմածովային ուժերի կասպյան նավատորմի նավերը մասնակցում են ՍԻրիայում «Իսլամական պետության» դեմ գործողություններին: Այս մասին հայտարարել է Ռուսաստանի պաշտպանության նախարար Սերգեյ Շոյգուն, հաղորդում է ՏԱՍՍ-ը:
Նրա խոսքով, գրոհայինների ուղղությամբ 26 հրթիռ է արձակվել:
«Վերջին երկու օրերին տարբեր տեսակի ինտենսիվ հետախուզական աշխատանքի շնորհիվ ԻՊ-ի մեծ թվով օբյեկտներ են հայտնաբերվել: Դրանց շարքում են կառավարման հենակետեր, սպառազինության պահեստներ, մարտական տեխնիկա, գրոհայինների մարզական ճամբարներ: Դրանք խոցելու գործին, բացի ավիացիայից, այսօր ներգրավվել են նաեւ կասպյան նավատորմի նավերը: Չորս նավերից 26 թեւավոր հրթիռ է արձակվել 11 թիրախների ուղղությամբ»,-հայտարարել է Շոյգուն՝ հավելելով, որ բոլոր թիրախները ոչնչացվել են, քաղաքացիական օբյեկտները չեն տուժել:
