ՆԱՏՕ-ն չի պատրաստվում Մոսկվային հետախուզական տվյալներ տրամադրել, քանի դեռ Ռուսաստանը աջակցում է Սիրիայի նախագահ Բաշար Ասադին։ Այս մասին հայտնել է ՆԱՏՕ-ում ԱՄՆ մշտական ներկայացուցիչ Դուգլաս Լյութը, գրում է «ՌԻԱ Նովոստի»-ն։
«Հնարավոր է՝ մենք ընդհանուր շահ ունենք՝ հաղթել «Իսլամական պետությանը», սակայն մենք միասնական չենք նախագահ Ասադին աջակցելու հարցում։ Ակնհայտ է, որ ռուսական կողմի նպատակը Ասադին աջակցելն է, սակայն միջազգային կոալիցիայի անդամները կարծում են, որ նա պետք է հեռանա»,- ասել է Լյութը հեռախոսային ճեպազրույցի ժամանակ։
Նրա խոսքով՝ քանի դեռ Մոսկվայի եւ կոալիցայի նպատակները չեն համընկնում, նա հեռանկարներ չի տեսնում ռուսական կողմին հատուկ ծառայությունների տեղեկությունները հաղորդելու համար, գրում է «Ինտերֆաքս»-ը։
