«Աշ Շաբաբ» ծայրահեղական խմբավորման գրոհայիններւը սպանել են Սոմալիի նախագահ Հասան Շեյխ Մոհամուդի զարմիկին։ Այս մասին տեղեկացրել են երկրի ոստիկանությունից։ Ուժայինների տեղեկություններով՝ ծայրահեղականները մայրաքաղաք Մոդագիշոյում կրակել են ավտոմեքենայի վրա, որի մեջ է եղել Լիբան Օսմանն ու Աբդիկակադեր Մոհամեդ անունով մի փաստաբան։
Հաղորդվում է, որ Օսմանը, որը վերջերս էր վերադարձել արտասահմանից, պետք է ղեկավարեր մայրաքաղաքային հոսպիտալը, գրում է ՏԱՍՍ-ը։
«Աշ Շաբաբ»-ի ներկայացուցիչ Շեյխ Աբդիազիզ Աբու Մուսաբը հաստատել է պետության ղեկավարի զարմիկի վրա հարձակման փաստը՝ նշելով, որ Օսմանը նախագահական նստավայրում շատ կարեւոր պաշտոնական դեմք էր։
Սոմալիում հակամարտությունը շարունակվում է 1990-ական թթ.-ից։ Բախումների պատճառով երկիրը կանգնել է ծայրահեղ սուր մարդասիրական ճգնաժամի առաջ։
