Վրաստանի բնակիչների մեծ մասը խորհրդարանական ընտրություններից մեկ տարի առաջ քննադատում է գործող իշխանություններին եւ չի տեսնում որեւէ քաղաքական ուժ, որն ի վիճակի կլինի փոխել իրավիճակը։ Այս մասին հայտնում է «Ռուսթավի 2» հեռուստաընկերությունը՝ վկայակոչելով անցկացրած հարցումների արդյունքները։
«Ռուսթավի 2»-ը ներկայացրել է երկրի ավելի քան հազար բնակիչների շրջանում անցկացրած հարցման արդյունքները։ Բնակիչները հիմնականում դժգոհ են գործող իշխանություններից։ Նրանք նշում են կրթության եւ առողջապահության ոլորտներում, ինչպես նաեւ ԵՄ-ի հետ հարաբերություններում գրանցած առաջընթացը։ Սակայն Ռուսաստանի հետ հարաբերություններում առաջընթաց գրանցելու հարցին մասնակիցները բացասական պատասխան են տվել, գրում է «Սպուտնիկ Գրուզիա»-ն։
Հարցումների համաձայն՝ վրացիները մտադիր չեն քվեարկել «Վրացական երազանքի» կամ Սահակաշվիլիի «Միասնական ազգային շարժման» օգտին։ Նրանք սպասում են երրորդ քաղաքական ուժի հայտնվելուն։