Եվրոպական Միությունը ռազմական գործողություն է սկսել մաքսանենգների դեմ, որոնք անօրինական եղանակով փախստականների են տեղափոխում Միջերկրական ծովով։ Վեց նավ արդեն պարեկում են Լիբիայի սահմաններից ոչ հեռու։
«Մենք կհետապնդենք հանցագործներին։ Մեր նպատակը նրանց նավերի կալանումն ու առգրավումն է», - The Daily Telegraph-ին պատմել է կապիտաններից մեկը։ Զինվորականը նշել է, որ գործի դրված նավերին առայժմ արգելված է մտնել Լիբիայի տարածքային ջրեր, բայց նավաստիներն արդեն զորավարժություններ են անցկացնում՝ մարզվելով մաքսանենգ գրոհները հետ մղելու գործում։
Նավատորմը կազմված է իտալացի ավիակրից, ֆրանսիական եւ բրիտանական ֆրեգատներից, ինչպես նաեւ գերմանական երկու եւ իսպանական մի նավից։ Մինչեւ հոկտեմբերի վերջը նրանց կմիանա եւս երեք նավ՝ բելգիական, բրիտանական եւ սլովենական նավատորմներից։ Ռազմական խմբի մեջ կմտնի չորս ինքնաթիռ եւ ավելի քան 1,3 հազար մարդուց բաղկացած անձնակազմը, հաղորդում է Lenta.ru-ն։
