Ռազմական գործողությունների դեպքում Հայաստանը, որպես երաշխավոր, անհրաժեշտ քայլեր կձեռնարկի, ներառյալ՝ ճանաչումը։ Այդ մասին Հոկտեմբերի 7-ին խորհրդարանում ասել է Արտաքին գործերի նախարար Էդվարդ Նալբանդյանը։
Նա նշել է, որ ԵԱՀԿ Մինսկի խմբի համանախագահողները արդեն բացահայտ եւ թիրախային հայտարարություններ են անում այն մասին, թե ով է հանդիսանում հրադադարի ռեժիմի խախտման պատճառը եւ խոսում են խախտումների հետաքննության մեխանիզմի անհրաժեշտության մասին։ Հայաստանը համաձայն է դրան, իսկ Ադրբեջանը հրաժարվում է։ Հետեւաբար, համանախագահողների հայտարարությունից հետեւում է, որ այդ միջադեպերի համար ամբողջ պատասխանատվությունն ընկնում է ադրբեջանական կողմի վրա, հավելել է Նալբանդյանը։
Նա հիշեցրել է, որ սեպտեմբերի վերջին ԱՄՆ-ի ներկայացուցիչների պալատի Արտաքին հարցերի կոմիտեի նախագահ Էդ Ռոյսը եւ կոմիտեի անդամ Էլիոթ Էնգելը նամակ են ուղարկել ԵԱՀԿ Մինսկի խմբի համանախագահ Ջեյմս Ուորլիքին՝ խնդրելով լրացուցիչ ջանքեր գործադրել հրադադարի պահպանման ռեժիմի անխաթար շարունակման համար, եւ Ուորլիքը ողջունել է այդ նախաձեռնությունը։
«Իհարկե, մենք էլ ենք ողջունում այն, ինչ ասել են եւ դիպուկահարների հետքաշման, եւ հրադադարի ռեժիմի ամրապնդման մասին։ Դրա դեմ Ադրբեջանն է հանդես գալիս», - հայտարարել է Նալբանդյանը։
