Իրանի Գերագույն առաջնորդ այաթոլլա Ալի Խամենեին արգելել է Թեհրանի եւ Վաշինգտոնի միջեւ հետագա բանակցությունները: Այս մասին գրում է Gazeta-ն՝ վկայակոչելով The Wall Street Journal-ին:

Խամենեին հայտարարել է, որ ԱՄՆ-ի եւ Իրանի միջեւ բանակցությունները երկրի ներքաղաքական կյանքի վրա ազդելու հնարավորություններ են բացում Վաշինգտոնի առջեւ: Նա ընդգծել է, որ բացառություն չէին նաեւ Թեհրանի միջուկային ծրագրի շուրջ բանակցությունները:

Այաթոլլա Խամենեին երկրների միջեւ հետագա ուղղակի բանակցությունների ամբողջական արգելք է սահմանել: