Ռուսաստանի Կասպից նավատորմի 4 հրթիռակիր նավեր 26 թեւավոր հրթիռ են արձակել Սիրիայում ԻՊ-ի 11 թիրախների ուղղությամբ: Այս մասին Ռուսաստանի պաշտպանության նախարար Սերգեյ Շոյգուն զեկուցել է նախագահ Վլադիմիր Պուտինին:
«Օբյեկտիվ վերահսկողության տվյալներով, բոլոր նշանակետերը ոչնչացված են, քաղաքացիական օբյեկտները չեն տուժել: Հարվածների արդյունքները հաստատեցին մեծ տարածության՝ գրեթե 1500 կմ հեռավորության վրա հրթիռների բարձր արդյունավետությունը»,- ասել է նախարարը:
«Այն, որ մենք հարվածներն իրականացրել ենք Կասպից ծովի ջրային տարածքից շուրջ 1500 կմ հեռավորությամբ, բարձր հստակությամբ զենքից, եւ կործանել ենք բոլոր թիրախները, իհարկե, խոսում է պաշտպանական արդյունաբերական համալիրի ձեռնարկությունների եւ անձնակազմի լավ պատրաստվածության մասին»,- ասել է Պուտինը: Այս մասին տեղեկացնում է ՌԴ նախագահի կայքը: