Նախկին միսիոներ-հոգեւորական, Իտալիայի քաղաքացի Ռոնալդո Դել Տորկիոյին հոկտեմբերի 7-ին առեւանգել են Ֆիլիպինների հարավային հատվածում:
56-ամյա իտալացուն, որը ներկայում պիցերիա ունի Մինդանաո կղզու Դիպոլոգ քաղաքում, որտեղ մահմեդական անջատականների տարբեր խմբեր են գործում, առեւանգել են 7 զինված անձինք: Նրանք պատանդին նստեցրել են արագընթաց մոտորանավակ եւ ուղեւորվել Մանուկան քաղաքի ուղղությամբ: Այս մասին գրում է ՌԻԱ Նովոստին՝ վկայակոչելով Corriere della Sera պարբերականին:
Սա վերջին ամիսների ընթացքում Ֆիլիպիններում օտարերկրացիների առեւանգման առաջին դեպքը չէ: Սեպտեմբերի վերջին Սամալ կղզու հյուրանոցից անհայտ անձիք առեւանգել էին Կանադայի երկու, ինչպես նաեւ Նորվեգիայի եւ Ֆիլիպինների մեկական քաղաքացիների: