ՀՀ կառավարությունը սահմանամերձ գյուղերին կփոխհատուցի Ադրբեջանի գնդակոծության հետեւանքով կրած վնասը։ Այս մասին համապատասխան որոշումը կայացվել է հոկտեմբերի 8-ի Կառավարության նիստում։
Ընդհանուր առմամբ կհատկացվի 66 մլն 30 հազար դրամ։ Աջակցություն կստանան Սեւքար, Ներքին Ծաղկավան, Ոսկեպար, Ոսկեվան, Այգեպար, Բաղանիս, Բարեկամավան, Ներքին Կարմիրաղբյուր, Բերքաբեր, Վազաշեն, Մովսես, Այգեհովիտ, Չինարի, Կոթի, Բերդավան, Պառավաքար, Դովեղ գյուղերի 586 ընտանիքներ, որոնց տները տուժել են կրակոցներից։