Light ընկերությոնը ներկայացրել է L16 լուսանկարչական սարքը, որի կորպուսում հավաքված են տարբեր օբյեկտիվներով 16 փոքր կամերաներ: Սարքի մասին մանրամասները կարելի է իմանալ արտադրողի կայքում:
Խցիկի կորպուսում տեղադրված են 16 մոդուլներ՝ 13 մեգապիքսելանոց օպտիկական սենսորով, որոնք տարբերվում են լինզաների հավաքածուով ու ֆոկուսով: Սարքը նաև ունի հինգդյույմանոց էկրան՝ տեսախցիկի կառավարման համար թաչսքրինով, հայտնում է Gazeta–ն:
Ֆոկուսի տարբեր հեռավորություններ ունեցող մոդուլների օգնությամբ կարելի է ստանալ ստանալ բարձր դետալիզացիայով կոմբինացված լուսանկարներ, կադրում ընտրել ֆոկուսի կետը ու արդեն արված լուսանկարի վրա օգտվել մոտեցնելու գործառույթից: Կոմբինացված լուսանկարի ռեժիմը հնարավորություն է տալիս նաև հնարավորինս պարզ լուսանկարներ ստանալ թույլ լուսավորության պայմաններում:
L16 –ի արժեքը նախնական պատվերի դեպքում 1299 դոլար է, իսկ 2016 թ. վաճառք մտնելուց հետո լուսանկարչական խցիկի գինը կաճի մինչև 1699 դոլար: Ավելի վաղ գերմանացի դիզայներ Ֆիլիպ Շմիթը ստեղծել էր մի լուսանկարչական խցիկի կոնցեպտ, որը ստիպում է լուսանկարչին յուրօրինակ լուսանկարներ անել՝ արգելելով մի քանի անգամ լուսանկարել նույն բանը: