Ամերիկացի դիզայներ Միքայել Արամը Հայոց ցեղասպանության 100-րդ տարելիցին նվիրված հուշարձան է նախագծել։ 13-մետրանոց պողպատե հուշարձանը հոկտեմբերի 6-ին բացվել է Նյու Յորքի Սուրբ Վարդանի եկեղեցու դիմաց։
«Ներգաղթ» անունը կրող քանդակը 1915թ. իրադարձությունների մասին պատմող հուշարձան եւ վերապրելու ու ուժի վկայություն է։ Դիզայները նախագծի վրա աշխատել է պատմաբանների հետ միասին, որպեսզի կազմի հայկական տարածքները ներկայացնող քարտեզը, նախքան այդ տարածքների զավթումը եւ մարդկանց աքսորն ու ջարդերը, գրում է hfnmag.com-ը։
«Ես հույս ունեմ, որ մի օր երեխաներիս հետ կկանգնեմ այս հուշարձանի դիմաց եւ դրա միջոցով հեշտ ուղի կգտնեմ ցավոտ անցյալի մասին խոսելու համար»,- ասել է դիզայները։