Հոկտեմբերի 6-ին, ժամը 22.30-ին, ոստիկանության Երեւան քաղաքի վարչության օպերատիվ կառավարման կենտրոնից Արտաշատի բաժնում հաղորդում է ստացվել, որ իրենց է զանգահարել մի քաղաքացի եւ հայտնել, որ իրենց հարեւանը` 50-ամյա Խաչիկ Բ.-ն, կոտրում է տան պատուհանները եւ փորձում մտնել ներս:
Ոստիկանությունից NEWS.am-ին հայտնում են, որ հոկտեմբերի 7-ին, ժամը 14.30-ին, Խաչիկ Բ.-ի տան եւ հողամասի զննությամբ՝ տան նախամուտքի վերջնամասում` սեղանի վրա, հայտնաբերվել է 3,1 գ դեղնականաչավուն կանեփանման զանգված, նույն նախամուտքի բազմոցի վրա՝ 720 գ տարողությամբ ապակյա տարա՝ շագանակագույն յուրահատուկ հոտով հեղուկով, իսկ հողամասից՝ կանեփանման բույսի 22 թուփ:
Ըստ Խաչիկ Բ.-ի հայտարարության` կանեփանման զանգվածը պատրաստել է իր օգտագործման համար, կանեփանման բույսերը ինքը քաղել, մանրացրել եւ չորացրել է` իր օգտագործման համար, իսկ ապակյա տարայի պարունակությունը նույնպես պատրաստել է ինքը:
Կատարվում է հետաքննություն:
