Sony-ի ղեկավար Կաձուո Խիրաին անուղղակիորեն հաստատել է այն լուրերը, որ 2016 թ. Sony-ն կարող է հեռանալ սմարթֆոնների շուկայից, հայտնում է Gazeta-ն՝ վկայակոչելով Reuters-ը:

Նրա խոսքով, բջջային ստորաբաժանումը մեկ տարի ժամանակ ունի իր արդյունքները բարելավելու համար, հակառակ դեպքում ընկերությունը այն փոխարինելու «այլընտրանքային տարբերակներ» կորոնի: Հիմա Xperia սմարթֆոնները զբաղեցնում են շուկայի ընդամենը 17.5 տոկոսը՝ Ճապոնիայում ու 1 տոկոսից էլ քիչ ՝ Հյուսիսային Ամերիկայում:

Միաժամանակ Խիրաիի ձեռնարկած վերակազմակերպումը թույլ է տվել զգալիորեն բարելավել Sony-ի ցուցանիշները՝ ծախսերի կրճատման եւ քիչ եկամտաբեր շուկաներից ՝ օրինակ անձնական համակարգիչների շուկայից հեռանալու, նաեւ գրաֆիկական սենսորների ու տեսախաղերի ոլորտներում վաճառքի լավ ցուցանիշների շնորհիվ: