Արմավիրի մարզում այս պահի դրությամբ մթերել են նախորդ տարվա չափով, իսկ ավելացված բերքը չգիտեն ինչ անել։

NEWS.am-ի թղթակցի հետ զրույցում Արմավիրի մարզպետ Աշոտ Ղահրամանյանը նշեց, որ դեռեւս սպասում են, մինչեւ պայմանագրերով ամբողջ բերքը մթերվի։

«Այս տարի աննախադեպ բերք ենք ստացել։ Երբ 2006թ․ ես նշանակվեցի մարզպետ, խաղողի բերքը 23 հազար էր։ Անցած տարի մենք ունեցել ենք 70 հազար տոննա բերք, իսկ այս տարի միայն տեխնիկական սորտը 90 հազար տոննայից ավելի էր, հաշվենք նաեւ 15 հազար տոննան, որը գյուղացիները պահել են գինու եւ օղու համար, սեղանի սորտը, որն այս տարի մոտ 50 հազար տոննա կլինի։ Պատկերացրեք՝ ինչքան բերք է։ Առայժմ նախորդ տարվա չափով ընդունվել է բերքը, մոտ 7 հազար 500 տոննա էլկընդունեն պայմանագրերով։ Հետո կորոշենք ինչ անել»,- ասաց Աշոտ Ղահրամանյանը։

Հիշեցնենք, որ գյուղացիները բողոքում են, որ գործարաններն իրենց խաղողի բերքը չեն ընդունում, եւ ստիպված են տոննաներով խաղողը թափել աղբամանները։

Գյուղատնտեսության նախարարությանը մինչդեռ պնդում է, որ խաղողի վերջին կիլոգրամն էլ մթերվելու է։