ՀՀ ժողովրդական արտիստ, դերասան, Երեւանի ավագանու անդամ Հրանտ Թոխատյանը դեմ է, որ «Էրեբունի-Երեւանի» տոնակատարությունների համար սահմանված բյուջեն փոխանցվի Հայաստանի սահմանամերձ գյուղերին։
«Ես կարծում եմ, որ Էրեբունի-Երեւանը եղել է ու միշտ էլ պետք է լինի, բոլորի չուզող աչքն էլ պետք ա հանենք»,- ասաց Հրանտ Թոխատյանը:
Դերասանը նշեց, որ քաղաքապետարանը պարբերաբար օգնություն է տրամադրում սահմանամերձ գյուղերին:
Նշենք, որ ֆեյսբուքյան մի խումբ օգտատերեր հանդես են եկել նախաձեռնությամբ` պահանջելով չեղյալ հայտարարել Էրեբունի-Երեւանի տոնական միջոցառումները եւ դրանց համար նախատեսված գումարն ուղղել սահմանամերձ գյուղերին: