Հայ-չեխական «Գրինեկո-Կաս» ընկերությունը պատրաստվում է Հայաստանի Արմավիրի շրջանում աղբի վերամշակման գործարան եւ ջերմոցային տնտեսություն ստեղծել։ Այդ մասին հոկտեմբերի 8-ին Հայաստանի կառավարության նիստին հայտարարել է Տարածքային կառավարման եւ արտակարգ իրավիճակների հարցերով նախարարի առաջին տեղակալ Վաչե Տերտերյանը։
Ծրագրի ընդհանուր արժեքը գնահատվում է 33 միլիոն եվրո, ներդրողը դա կֆինանսավորի վարկային աղբյուրներից։
Ջերմոցային տնտեսության արտադրությունը նախատեսվում է արտահանել։
Ձեռնարկությունը կտեղակայվի Արմավիր քաղաքի սահմաններում՝ քաղաքային աղբանոցի մոտ եւ կօգնի լուծել ինչպես բնապահպանական, այնպես էլ՝ տնտեսական զարգացման խնդիրներ։