Ford ընկերությունը ներկայացրել է Mustang կաբրիոլետի հատուկ տարբերակը, որը 700 ձիաուժ հզորությամբ, 5 լիտր ծավալով V8 շարժիչ ունի: Ընդհանուր առմամբ, 100 այդպիսի ավտոմեքենա կթողարկվի:
Mustang-ը նաեւ 6 աստիճանային մեխանիկական փոխանցման տուփ ունի: Մեքենան կարող է 3.5 վայրկյանում մինչեւ 96 կմ/ժ արագություն զարգացնել: Նորույթի առավելագույն արագությունը 314 կմ/ժ է:
Ըստ motor.ru-ի, «սուրբծննդյան» կաբրիոլետը 95 հազար դոլար կարժենա: Գնի մեջ ներառված է նաեւ Ford-ի մրցարշավային դպրոցում 2-օրյա դասընթացը: