Թուրքիայի խնդրած 3 մլրդ խորանարդ մետրից առնվազն 2 մլրդ-ը «Թուրքական հոսք» գազատարով կմատակարարվի: Այս մասին լրագրողներին հաղորդել է «Գազպրոմ»-ի ղեկավար Ալեքսեյ Միլլերը՝ պատասխանելով ռուսական գազի մատակարարման ծավալներն ավելացնելու՝ Թուրքիայի խնդրանքի մասին հարցին:
«Դեռեւս վերջնական որոշում չի կայացվել: Սակայն 3 մլրդ խորանարդ մետրից առնվազն 2 մլրդ-ը «Թուրքական հոսք»-ով կմատակարարվի»,- Միլլերի խոսքեր է մեջբերում ՏԱՍՍ գործակալությունը:
«Թուրքական հոսք»-ի շինարարության մասին որոշումն ընդունվել է անցյալ տարվա դեկտեմբերին, Թուրքիայում ռուսական գազի պահանջարկի աճի արդյունքում: Ներկայում Թուրքիան գազ է ստանում «Երկնագույն հոսք» գազատարով:
