Մեքսիկայի իրավապահ մարմինները կալանավորել են օդաչուին, որը տեղափոխել է թմրաբարոն Խոակին Գուսմանին այն բանից հետո, երբ վերջինս փախել էր «Ալտիպլանոս» առավել խիստ ռեժիմով բանտից։ Այս մասին հոկտեմբերի 8-ին հայտնել է Մեքսիկայի գլխավոր դատախազ Արելի Գոմեսը, հայտնում է Fox6 News-ը։
Օդաչուի անունն ու նրա կալանավորման մանրամասները չեն հաղորդվում։ Կալանքի տակ են վերցրել եւս 23 մարդու, որոնց կասկածում են «Սինաոլա» թմրակարտելի ղեկավար Գուսմանի փախուստը կազմակերպելու մեջ։ Նրանք բոլորն աշխատել են պետական հաստատություններում։
Գուսմանը, որը հայտնի է «Էլ Չապո» (Կարճլիկ) մականունով, բանտից փախել էր հուլիսի 12-ի գիշերը։ Նրա փախուստի համար 10 մ խորության վրա 1.5 կմ երկարությամբ թունել էին փորել։