Սաուդյան Արաբիան մտադիր է մեծացնել Սիրիայի ապստամբների երեք տարբեր խմբերին մատակարարվող զենքի ծավալները։ Այս մասին հայտնում է BBC-ն՝ վկայակոչելով պաշտոնյաներին, որոնք ցանկացել են անհայտ մնալ։
Հաղորդվում է, որ Սաուդյան Արաբիայի իշխանությունները կմեծացնեն նախագահ Բաշար Ասադի դեմ պայքարող ապստամբներին մատակարարվող զենքի, այդ թվում՝ հակատանկային սպառազինությունների ծավալները։ Ընդ որում, պաշտոնյան նշել է, որ խոսքը «Իսլամական պետության» կամ «Նուսրայի ճակատի» մասին չէ։ Ենթադրաբար, լրացուցիչ աջակցություն կստանան «Սիրիայի ազատ բանակի», «Հարավային ճակատի» եւ «Նվաճման ճակատի» ներկայացուցիչները, գրում է Gazeta-ն։
