Մինչեւ Սահմանադրական փոփոխությունների հանրաքվեն ՀՀԿ-ն հնարավոր է հանրահավաքներ անցկացնի: Այս մասին, այսօր՝ հոկտեմբերի 9-ին, լրագրողների հետ հանդիպման ժամանակ նշել է ԱԺ ՀՀԿ խմբակցության պատգամավոր Գագիկ Մինասյանը:
«Կստեղծենք մի խումբ, որը հասարակության ավելի ու ավելի մեծ շերտերի կծանոթացնի սպասվող փոփոխություններին: Հնարավոր է նաեւ հանրահավաքներ անցկացվեն»,- ասել է ՀՀԿ-ական պատգամավորը:
Հիշեցնենք, որ Սահմանադրական փոփոխությունների հանրաքվեն տեղի կունենա դեկտեմբերի 6-ին:
Փոփոխությունների դեմ հանդես եկող քաղաքական ուժերը ստեղծել են «Ոչ»-ի ճակատ, որի առաջին հանրահավաքը մայրաքաղաքում արդեն տեղի է ունեցել:
