Հոկտեմբերի 7-ին, ժամը 11.50-ին, 78-ամյա Էդուարդ Ա.-ն ոստիկանության Իջեւանի բաժնում հաղորդում էր տվել, որ Իջեւանի ավտոկայանում տաբատի գրպանից 30.000 դրամ են գողացել:
Ոստիկանությունից NEWS.am-ին հայտնում են, որ ձեռնարկված օպերատիվ-հետախուզական միջոցառումների արդյունքում, գողություն կատարելու կասկածանքով, ոստիկանները բերման են ենթարկել 40-ամյա Կարինե Ա.-ին: Կինը խոստովանել է, որ գողությունը կատարել է ինքը եւ ներկայացրել է գողացված գումարի մի մասը:
Կատարվում է հետաքննություն: