Վանաձորի զորամասերից մեկից հոկտեմբերի 8-ին սննդային թունավորման (քացախաթթու) նախանշաններով Վանաձորի բժշկական կենտրոն տեղափոխված 19-ամյա Վահան Մովսիսյանի վիճակը նորմալ է: Այս մասին NEWS.am-ին ասաց ՊՆ կենտրոնական զինվորական հոսպիտալի պետ, գնդապետ Արամ Ասատուրյանը:
Արամ Ասատուրյանը նշեց, որ զինվորն ուշագնաց է եղել, ինչից հետո նրան տեղափոխել են հիվանդանոց:
Նշենք, որ Վահան Մովսիսյանը ծնունդով Արտաշատ քաղաքից է:
Ըստ նախնական տվյալների՝ զինծառայողը թունավորվել է քացախաթթվի մեծ չափաբաժին օգտագործելու հետեւանքով:
