ՌԴ նախագահի մամուլի քարտուղարի այն հայտարարությունը, թե Ռուսաստանը Սիրայում ավիահարվածներով պաշտպանում է նաեւ Թուրքիայի սահմաններն ու անվտանգությունը, Թուրքիայում որպես պաշտոնական մակարդակով ծաղր են ընկալել: Այս մասին, այսօր՝ հոկտեմբերի 9-ին, լրագրողների հետ հանդիպմանը հայտնեց թուրքագետ Անդրանիկ Իսպիրյանը:
Իսպիրյանի խոսքով՝ Մերձավոր Արեւելքում զարգացումները շատ կտրուկ են փոփոխվում, իսկ Սիրիայում Ռուսաստանի հապճեպ հայտնվելը խառնեց բոլոր խաղացողների խաղաքարտերը՝ այդ թվում խաղից դուրս թողելով Թուրքիային։
Անդրադառնալով ռուսական ռազմական օդանավերի կողմից Թուրքիայի օդային սահմանների խախտումների վերաբերյալ ՌԴ-ին ուղղված Թուրքիայի քննադատություններին, թուրքագետը շեշտեց, որ Ռուսաստանի զավեշտալի հայտարարությունները ցույց են տալիս, որ ռուսներն ուղղակի Թուրքիային այլեւս չեն նկատում Սիրիայի հարցում։
Հիշեցնենք, որ ՌԴ նախագահի մամուլի քարտուղար Դմիտրի Պեսկովը հոկտեմբերի 8-ին, հայտարարել էր, թե Ռուսաստանը Սիրիայում ավիահարվածներով պաշտպանում է նաեւ Թուրքիայի անվտանգությունը: