Սահմանադրական փոփոխություններին դեմ են միայն առանձին մարդիկ, ոչ ավելի։ Այդ մասին հոկտեմբերի 9-ին խորհրդարանական ճեպազրույցների ընթացքում ասել է իշխող Հանրապետական կուսակցության խորհրդարանական խմբակցության ղեկավար Վահրամ Բաղդասարյանը։ Պատասխանելով ՀԱԿ խմբակցության ղեկավար Լեւոն Զուրաբյանի հայտարարությունը մեկնաբանելու խնդրանքին, Բաղդասարյանը նշել է. «Հարցը հենց դա է, որ մարդկանց մտքին միայն առանձին անուններ են գալիս՝ Զուրաբյան, Ջհանգիրյան, Մանուկյան։ Նրանք դեմ են։ Ուրիշ ի՞նչ կարող են անել։ Բայց հասարակության մեծամասնությունը ողջունում է այդ բարեփոխումերը»:
Հիշեցնենք, որ սահմանադրական փոփոխությունների նախագիծը խորհրդարանի հավանությանն էր արժանացել հոկտեմբերի 5-ին։ Այդ փոփոխությունները ենթադրում են կիսանախագահական կառավարումից անցում խորհրդարանական կառավարման։
