Tesla ընկերության ղեկավար Իլոն Մասկը, պատասխանելով Apple-ի՝ ինքնակառավարվող մեքենաներ թողարկելու ծրագրի մասին հարցին, իր մրցակցին անվանել է «Tesla-ի ինժեներների գերեզմանափոր», հաղորդում է Gazeta-ն՝ վկայակոչելով The Guardian-ին։

Մասկը հերքել է այն պնդումը, թե Apple-ը  Tesla-ի առանցքային տեխնիկական աշխատակիցներին քաշում է դեպի Apple Car ծրագիրը եւ հայտարարել է. «Կարեւոր ինժեներնե՞ր։ Նրանք աշխատանքի են ընդունում այն մարդկանց, որոնց մենք հեռացրել ենք։ Մենք Apple-ը կատակով կոչում ենք Tesla-ի աշխատակիցների գերեզմանոց։ Եթե ձեզ Tesla չեն ընդունել, դուք գնում եք  Apple-ում աշխատելու։ Ես կատակ չեմ անում»:

Մասկը նաեւ ասել է, որ Apple-ին երբեք լրջորեն չի վերաբերվել որպես շուկայում իր մրցակցի։ «Դուք երբեւէ Apple Watch տեսե՞լ եք» — ծիծաղով պատասխանել է նա համապատասխան հարցին։