Խորհրդարանական ընտրությունների 100-տոկոսանոց համամասնական համակարգը կհանգեցնի նրան, որ ոչ մի քաղաքական ուժ չի կարող հավաքել 50 տոկոսից ավելի։ Այս մասին հոկտեմբերի 9-ին՝ խորհրդարանական ճեպազրույցների ժամանակ ասել է ՀՅԴ խմբակցության քարտուղար Աղվան Վարդանյանը՝ անդրադառնալով Սահմանադրական փոփոխությունների նախագծին։
«Ես բացառում եմ համամասնական ցուցակի դեպքում նման հնարավորությունը։ Ւսկ դա նշանակում է, որ որոշումները կայացվելու են միասնաբար, փոխզիջումներով։ Իհարկե բարդ է լինելու։ Պետք է աշխատել, այլ ոչ թե կռվել։ Ինչ արած՝ պետք է սովորել»,- ասել է նա։
Հիշեցնենք, որ Հայաստանի Ազգային ժողովը 2015թ. հոկտեմբերի 5-ին, ընդունել է «ՀՀ նախագահի համար ընդունելի առաջարկների հիման ՀՀ սահմանադրության փոփոխությունների նախագիծը հանրաքվեի դնելուն համաձայնություն տալու մասին ԱԺ որոշման նախագիծը»: Որոշմանը կողմ է քվեարկել 104, դեմ՝ 10, ձեռնպահ` 3 պատգամավոր:
