ՀՅԴ-ն ոչ ոքի չի միանա։ Նա երբեք դա չի արել։ Այս մասին հոկտեմբերի 9-ին՝ խորհրդարանական ճեպազրույցների ժամանակ ասել է ՀՅԴ խմբակցության քարտուղար Աղվան Վարդանյանը՝ պատասխանելով հարցին, թե ՀՅԴ-ն չի միանալու արդյոք սահմանադրական փոփոխություններին կողմ արտահայտվող որեւէ ուժի արշավին։ «Մենք որեւէ մեկի կուսակցությունը չենք, եւ երբեք այդպիսին չենք եղել։ Մենք պաշտպանել ենք եւ կշարունակենք պաշտպանել մեր ճշմարտությունը։ Մենք հավատում ենք, որ սահմանադրական փոփոխությունները ավելի ժողովրդավարական են, եւ մեր կարծիքը ոչ ոքի կողմից թելադրված չէ»,- վստահեցրել է Վարդանյանը։
Հիշեցնենք, որ Հայաստանի Ազգային ժողովը 2015թ. հոկտեմբերի 5-ին, ընդունել է «ՀՀ նախագահի համար ընդունելի առաջարկների հիման ՀՀ սահմանադրության փոփոխությունների նախագիծը հանրաքվեի դնելուն համաձայնություն տալու մասին ԱԺ որոշման նախագիծը»: Որոշմանը կողմ է քվեարկել 104, դեմ՝ 10, ձեռնպահ` 3 պատգամավոր: