Հայաստանի ՏԿԱԻՆ-ում, այսօր՝ հոկտեմբերի 9-ին, ժամը 16.06-ին ահազանգ է ստացվել, որ Երեւանի Ամիրյան փողոցի թիվ 26 շենքի (կիսակառույց շինություն) արտաքին ինքնաշեն վերելակը պոկվել եւ ընկել է, կա տուժած. անհրաժեշտ է օգնություն:
Դեպքի վայր է մեկնել մեկ մարտական հաշվարկ եւ ՀՆՓԱԻԿ փրկարարական ջոկատը:
ՏԿԱԻՆ-ից NEWS.am-ի թղթակցին հայտնեցին, որ տուժածը մոտ 50 տարեկան տղամարդ է, նրա ինքնությունը դեռ չի պարզվել: Այս պահին նա բժշկական օգնություն է ստանում թիվ 1 կլինիկական հիվանդանոցում: