Մեքքայում հաջի ժամանակ մարդկանց կուտակումների հետեւանքով առաջացած հրմշտոցից զոհվել է առնվազն 1453 մարդ։ Այս մասին հայտնում է Associated Press գործակալությունը՝ վկայակոչելով իր հաշվարկները։

Գործակալության տեղեկություններով՝ զոհերի իրական թիվը գերազանցում է պաշտոնական 684-ը, գրում է Gazeta-ն։

Հիշեցնենք, որ Իրանը կատարվածի համար մեղադրել էր Սաուդյան Արաբիայի իշխանություններին։ Թեհրանի ներկայացրած զոհերի պաշտոնական թիվը տարբերվում է Սաուդյան Արաբիայի հայտարարած թվից։ Իրանը հայտնում է, որ հրմշտոցից զոհվել է ավելի քան 1000 մարդ, թեեւ պաշտոնական տեղեկություններով ընդհանուր թիվը կազմում է 769։