Իտալական Ալպերի Բրենտոնիկո քաղաքում դատարանին խնդրում են 300-ամյա վաղեմության գործ վերանայել: Այն վերաբերում է մի կնոջ, որին մահապատժի են դատապարտել կախարդության մեղադրանքով:
60-ամյա Մարիա Բերտոլետտի Տոլդինիին 1716 թվականին մեղավոր են ճանաչել կախարդության եւ երեխայի մահվան մեջ, որին նա, «հետաքննության» տվյալների համաձայն, նետել է եռացող պանրով կաթսան: Մարտի 14-ին նրան հրապարակային գլխատել են, իսկ մարմինը տեղի բնակիչներն այրել են:
NEWSru.com-ի փոխանցմամբ, քաղաքի ժամանակակից բնակիչները որոշել են արդարացնել կնոջը:
Բրենտոնիկոյի քաղաքապետ Քրիստիան Պերենցոնին հայտարարել է, որ ցանկանում է հասնել պատմական արդարության, ինչպես նաեւ վերադարձնել «դատապարտված կնոջ էթիկական, բարոյական եւ քաղաքացիական արժանապատվությունը»: