Գվատեմալայի կենտրոնական մասում սողանքի հետեւանքով զոհվածների թիվը հասել է 263-ի, այս մասին ուրբաթ երեկոյան հայտնել է երկրի գլխավոր դատախազությունը։ Նոր տվյալներով, Սանտա Քատարինա Փինուլա մունիցիպալիտետում Քամբրայ-2 ավանի ավելի քան 370 բնակիչ անհետ կորած է համարվում։ Սողանքը եղել է հոկտեմբերի 2-ին, հայտնում է «ՏԱՍՍ»-ը։
Տարերային աղետների հետեւանքների դեմ պայքարող Ազգային համակարգող կենտրոնի ղեկավար Ալեխանդրո Մալդոնադոն ավելի վաղ՝ ուրբաթ հայտարարել էր, որ ողբերգության վայրում փրկարարական աշխատանքները կտեւեն մինչեւ հոկտոմբերի 11-ը։ Ակնկալվում է , որ գործողությունն ավարտելու կամ երկարացնելու մասին վերջնական որոշումը կկայացվի հոկտեմբերի 12-ին։
8 օրվա ընթացքում որոնողական փրկարարական աշխատանքներին մասնակցել է ավելի քան 550 մարդ ու տեխնիկայի մի քանի տասնյակ միավոր։ Ողջ մնացածներին հաջողվել է գտնել տարերային աղետին հաջորդած միայն առաջին օրվա ընթացքում։