Պենտագոնը հայտարարել է, որ Սիրիայի վրայով թռիչքների անվտանգության մասին Միացյալ նահանգների ու Ռուսաստանի միջեւ ռազմական նոր բանակցություններն ամենայն հավանականությամբ կսկսվեն այս հանգստյան օրերին, հայտնում է Gazeta –ն ՝ վկայակոչելով Reuters-ը։
«Պաշտպանության նախարարությունը պաշտոնական պատասխան է ստացել Ռուսաստանի դաշնության Պաշտպանության նախարարությունից ՝ Սիրիայի օդային տարածքում գործողությունների անվտանգությունն ապահովելու վերաբերյալ Պենտագոնի առաջարկի մասին»,- ասել է Պենտագոնի ներկայացուցիչ Փիթեր Քուքը։
Նա շեշտել է, որ «նախարարությունն ուսումնասիրում է Ռուսաստանի պատասխանը եւ բանակցություններն,ամենայն հավանականությամբ, կսկսվեն հանգստյան օրերից ոչ ուշ»։
