«Բելֆլեր» զբոսաշրջային նավը, որն ուղեւորվում էր Ռոն գետով, անցած գիշեր բախվել է կամուրջի հենասյանը։ Միջադեպը տեղի է ունեցել Լիոն քաղաքից հարավ։ Այս մասին հայտնել է ռեգիոնի հրշեջ փրկարարական ծառայությունը։
Բախման հետեւանքով 15 մարդ թեթեւ վնասվածքներ է ստացել։ Նավն ուժեղ վնասվել է։ Ստացված հարվածի հետեւանքով ջրի տակ էր սուզվել նավի քթամասը։ Այդուհանդերձ, նավի կապիտանին հաջողվել էր նավը հասցնել Վյեն քաղաքի մոտակա նավահանգիստ, հայտնում է «ՏԱՍՍ»-ը։
Ընդհանուր առմամբ «Բելֆլերում» 117 ուղեւոր ու անձնակազմի 37 անդամ կար։ Ուղեւորների մեծ մասը բրիտանացի ու գերմանացի զբոսաշրջիկներ էին։