Փհենյանում սկսվել է փառահեղ ռազմական շքերթ ՝ Կորեայի Աշխատանքային կուսակցության ստեղծման 70-ամյակի կապակցությամբ։ Հանդիսությունը մի քանի ժամով հետաձգվել էր հորդառատ անձեւի պատճառով։
Մի քանի հազար զինծառայողների մասնակցությամբ շքերթն անցնում է ԿԻմ Իր Սենի անվան կենտրոնական հրապարակում։
Շքերթին մասնակցում են մի քանի հարյուր զրահամեքենաներ, բանեցման բազմալիցք սարքավորումներ, զրահապատ մեքենաներ ու հրթիռային զենքեր։
Միջոցառումը հեռարձակվում է Հյուսիսային Կորեայի պետական հեռուստատեսության ուղիղ եթերում, հայտնում է BBC-ի Ռուսական ծառայությունը։
Շքերթի նախօրերին մի քանի հազար մարդ մասնակցել է ջահերով երթի փորձին, որն անցնելու է շաբաթ երեկոյան մայրաքաղաքում։
Օտարերկրյա առաջնորդներից ոչ մեկը ներկա չէ հանդիսավոր միջոցառումներին, սակայն Փհենյան են ժամանել մի շարք երկրների կուսակցական պատվիրակություններ։
Ինչպես նշել են փորձագետները, ԿԺԴՀ շքերթին գամված է լինելու արեւմտյան ռազմական մասնագետների ուշադրությունը։ Նրանք հետեւելու են տեխնիկայի նոր նմուշներին՝ փորձելով պարզել ԿԺԴՀ ռազմական զարգացման մակարդակը։