Մեծ Բրիտանիայի Էսեքսի կոմսության դպրոցներից մեկում աշակերտները տարօրինակ տնային առաջադրանք են ստացել. ավագ դասարանի աշակերտներին հանձնարարել են մահից առաջ նամակ գրել։ Դպրոցականները, ուսումնասիրելով Ջոն Փրիսթլիի «Տեսուչի այցը» պիեսը, պետք է փորձեին պատկերացնել, թե ինչ է զգացել  ինքնասպանության փորձ կատարած գլխավոր հերոսուհին։

Ուսուցիչների կարծիքով հենց նման առաջադրանքը կարող է երեխաների մոտ զարգացնել պատկերավոր մտածելակերպ։ Նրանք կսովորեն տարբեր կողմերից մոտենալ կյանքին, կազատվեն շաբլոնային մտածելակերպից, փոխանցում է Informing-ը։

Իհարկե աշակերտներից շատերին այդ առաջադրանքը վախեցրել է։ Երեխաների ծնողներն իրենց հերթին նշել են, որ նման առաջադրանքը տեղին չէ երեխաների նոր ձեւավորող հոգեկան աշխարհի համար։