Չեչնիայի ղեկավար Ռամզան Կադիրովի դստրերը նկարահանվել են իսլամի հիմունքների մասին երաժշտական տեսահոլովակում։ Այս մասին հայտնում է «ՌԻԱ Նովոստին»՝ վկայակոչելով ռեգիոնի ղեկավարի խորհրդական Ադամ Շահիդովին։
«Տեսահոլովակում նկարահանվել են Կադիրովի երեք դստրերը՝ Խութմաթը, Թաբարիքը եւ Աշուրան։ Այս չեչեներեն երգը գրվել է իսլամի հիմունքներին վերաբերող հարցուպատասխանի ձեւով»,- պատմեց Շահիդովը։
Ռամզան Կադիրովի ութ երեխաներից վեցը հաֆիզներ են՝ այսինքն Ղորանն անգիր գիտեն։ Ավագ դուստրը ՝ Խութմաթը, ավելի վաղ մասնակցել է նմանատիպ նախագծերի. նա նաշիդներ է կատարել Քուվեյթի շեյխ հայտնի հաֆիզ Միշարի Ռաշիդ ալ Աֆասիի հետ։ Իսկ կրտսեր դուստրը՝ Աշուրան, առաջին անգամ է նկարահանվում նման տեսահոլովակում։
Կադիրովի խորհրդականը վստահեցնում է, որ տեսահոլովակում աղջիկները նկարահանվելու են իսլամի բոլոր կանոններին համապատասխանող հագուստով։
