Չինաստանի ֆոտոլրտեսները ինտերնետում տեղադրել են Geely-ի թարմ մոդելի լուսանկարները։ Պետք է ասել, որ սա արդեն առաջին արտահոսքը չէ, սեդանի լուսանկարներ հրապարակվել էին դեռ 2015 թ. գարնանը։
Խոսքը Geely Emgrand Concept կուպեանման սեդանի մասին է, որի սերիական արտադրությունը շուտով կսկսվի։ Այդ մեքենայի կոնցեպտը ցուցադրվել էր գարնանը Շանհայում տեղի ունեցած ավտոշոուի ժամանակ։
Նշենք, որ տվյալ սեդանը երկու ընկերությունների համատեղ աշխատանքի պտուղն է։ Ավտոմեքենայի արտադրության գործում չինական ընկերությունից բացի իր ավանդն է ունեցել նաեւ Volvo շվեդական կոնցեռնը։ Ինչպես ավելի վաղ հայտնել էին ընկերությունից, ավտոմեքենայի սերիական տարբերակի հիմքում երկու ընկերությունների ջանքերով ստեղծված նոր SMA պլատֆորմն է, հայտնում է Informing-ը։
Առկա տեղեկություններով, ավտոմեքենան առաջարկվելու է չորս մխոցանի երկու բենզինային շարժիչներով։ Տվյալ հոսքագծում լինելու են 1.3 լիտրանոց 133 ձիաուժ հզորության շարժիչ եւ 1.5 լիտրանոց շարժիչ, որը կունենա 150 ձիաուժ։