Արտակարգ դրությունը պետք է հստակ իրավական սահմանում ունենա։ Այս մասին Սահմանադրական իրավունքի 20-րդ միջազգային մարմինների կոնֆերանսի ժամանակ հայտնել է ՀՀ Սահմանադրական դատարանի ղեկավար Գագիկ Հարությունյանը։
«Ցանկացած դրություն, այդ թվում՝ արտակարգ, պետք է հստակ սահմանում ունենա։ Իսկ դա նշանակում է, որ խորհրդարանի կողմից ընդունվելիք համապատասխան օրենքում պետք է սահմանվի գործողությունների, իսկ հետո նաեւ պետության կենսագործունեության նորմալ ռեժիմի վերականգնման կարգը»,- ասել է Հարությունյանը։
Նշենք, որ սահմանադրական փոփոխությունների նախագծի համաձայն՝ պետության սահմանադրական կառուցվածքին անմիջական վտանգ սպառնալու դեպքում Կառավարութունը արտակարգ դրություն է հայտարարում։ Դրանից անմիջապես հետո հրավիրվում է խորհրդարանի հատուկ նիստ։ Այն օժտված է արտակարգ դրությունը ռեժիմը չեղարկելու լիազորություններով։