Իտալական Maserati ապրանքանիշը մտադիր է ցածր պահանջարկի պատճառով դադարեցնել մեքենաների արտադրությունը։ Նախքան այդ մեքենայի մոդելների արտադրության ժամկետները հետաձգվել էին մինչեւ սեպտեմբեր, հայտնում է LiveCars.ru-ն։
Ընկերությունը նոյեմբերի առաջին շաբաթվանից կանցնի հարկադիր պարապուրդի։ Այսպիսով՝ ընկերությունը մտադիր է հավասարեցնել արտադրվող մեքենաների քանակն ու պահանջարկը, փոխանցում է NEWSru-ն։
Մեքենաների պահանջարկն ընկել է առաջին հերթին չինական շուկայում վաճառքի ծավալների նվազման պատճառով։ 2015թ. երկրորդ եռամսյակում Maserati-ի վաճառքի ծավալները նվազել են 13 տոկոսով։