Թուրքիայի մայրաքաղաքում խոշոր պայթյունների վայր մեկնած թուրք նախարարներին հավաքված քաղաքացիները բողոքի ակցիաներով են դիմավորել։

Թուրքական Nokta պարբերականի փոխանցմամբ՝ Անկարայի պայթյունից հետո դեպքի վայր են մեկնել ՆԳ, Արդարադատության եւ Առողջապահության նախարարները, սակայն հանդիպել են հավաքվածների բուռն բողոքի ակցիային։

Պայթյունի վայրում հավաքված քաղաքացիները նախարարներին դիմավորել են «մարդասպան Էրդողան» եւ «մարդասպան «Արդարություն եւ զարգացում» կուսակցություն» կարգախոսներով։

Նախարարները, չկարողանալով մոտենալ դեպքի վայրին, ստիպված հեռացել են։

Նշենք, որ հոկտեմբերի 10-ի առավոտյան Անկարայում արհմիությունների կողմից կազմակերպված հանրահավաքի ժամանակ 2 խոշոր պայթյուն է տեղի ունեցել, որի հետեւանքով զոհվել է 86, վիրավորվել՝ 186 քաղաքացի։