ՄԱԿ կանխատեսումների համաձայն՝ 21-րդ դարի վերջին բնակչության թվաքանակը կկազմի 11 միլիարդ, եւ մարդկությունը ստիպված է լինելու սննդի նոր աղբյուրներ փնտրել բնական ռեսուրսների պակասի եւ կլիմայի փոփոխության պատճառով։
Բրիտանական Economist ամսագիրն առաջարկել է արդեն սկսել պատրաստվել սպասվող փոփոխություններին եւ Լոնդոնում անսովոր պաղպաղակի համտեսում է կազմակերպել՝ դրանց մեջ ավելացնելով Նիդեռլանդներից բերված միջատներ՝ որդեր, բզեզներ եւ ծղրիդներ։ Միջատները կազմել են պաղպաղակի ընդհանուր ծավալի 10 տոկոսը։
Որոշ համտեսողներ նշել են, որ պաղպաղակը նույնիսկ համեղ է եղել, իսկ միջատներն ավելի շուտ ընկույզ են հիշեցրել, փոխանցում է Kedem-ը։