Կառավարության աշխատակից, ավելի քան մեկ ամիս առաջ ինքնասպանության փորձ կատարած Լյուդվիգ Հովհաննիսյանը շարունակում է վերականգնողական բուժում ստանալ: Այս մասին NEWS.am-ի թղթակցի հետ զրույցում հայտնեցին Լյուդվիգ Հովհաննիսյանի հարազատները:
«Դեռ տանն է, վերականգնողական բուժում է ստանում: Դեռեւս հայտնի չէ, թե երբ աշխատանքի կվերադառնա»,- ասացին հարազատները:
Հիշեցնենք, որ հրազենային վնասվածք ստացած 32-ամյա Լյուդվիգ Հովհաննիսյանը ԱԱԾ՝ պետական օբյեկտների պահպանության վարչության աշխատակից է: Նախնական տվյալներով՝ տղամարդն ինքնասպանության փորձ է կատարել:
Դեպքի առթիվ հարուցվել է քրեական գործ Քրեական օրենսգրքի 110-րդ հոդվածի 1-ին մասով (սպառնալիքի, դաժան վերաբերմունքի կամ անձնական արժանապատվությունը պարբերաբար նվաստացնելու ճանապարհով անձին անուղղակի դիտավորությամբ կամ անզգուշությամբ ինքնասպանության կամ ինքնասպանության փորձի հասցնելը):