Թուրքիայի հարավ-արեւելյան Շրնաքում 24-ամյա քուրդ երիտասարդին սպանած եւ մեքենայից կապած փողոցներում քարշ տված ոստիկանները հեռացվել են աշխատանքից։
Թուրքական Habertturk-ի փոխանցմամբ՝ Թուրքիայի ՆԳ նախարարության տեսուչներն ուսումնասիրել են նախորդ շաբաթ Շրնաքում քուրդ երիտասարդին սպանելուց հետո մեքենայով քարշ տալու ոստիկանները քայլերը։
Նշվում է, որ քննության արդյունքում աշխատանքից հեռացվել են երիտասարդի սպանությունից հետո նրան մեքենայով քարշ տված եւ այդ ամենը նկարահանած ոստիկանները։
Հիշեցնենք, որ Շրնաքում թուրք ոստիկաններն սպանել էին 24-ամյա քուրդ երիտասարդին եւ նրա դին փողոցներով քարշ տվել ոստիկանական մեքենայից կապած։ Ոստիկանները դիակի քարշ տալը նկարահանել են, որի ժամանակ ամենավերջին հայհոյանքներ են տեղացել սպանվածի հասցեին։