Զիմբաբվեի իշխանությունները մտադիր չեն մեղադրանք ներկայացնել ամերիկացի ատամնաբույժի դեմ, որը հուլիսին գնդակահարել էր հանրահայտ Սեսիլ առյուծին։ Այդ մասին հաղորդում է Reuters-ը։
Նման հայտարարությամբ է հանդես եկել երկրի բնապահպանության նախարար Օպպա Մաչինգուրի-Կաշիրին, փոխանցում է Gazeta-ն։
«Մենք դիմեցինք ոստիկանությանը, հետո՝ Գլխավոր դատախազությանը եւ պարզվեց, որ Ուոլտեր Պալմերը Զիմբաբվե է եկել բոլոր անհրաժեշտ փաստաթղթերով, նշել է նախարարը։
Սեսիլը՝ Զիմբաբվեի ամենահայտնի առյուծը, որը Օքսֆորդի համալսարանում հետազոտությունների առարկա էր, գնդակահարվել էր ամերիկացի ատամնաբույժ Ուոլտեր Պալմերի ձեռքով, որը պետության կողմից պահպանվող գազանի որս անելու համար վճարել էր 55 հազար դոլար, ինչը հասարակական մեծ հնչեղություն էր ստացել։
Զիմբաբվեի նախագահ Ռոբերտ Մուգաբեն «արտասահմանցի վանդալներին» վճռականորեն դատապարտել է Սեսիլ առյուծի սպանության համար, որը երկրի խորհրդանիշներից մեկն էր։