News
Լրահոս
News
Ուրբաթ
Մարտ 29
Տեսնել լրահոսը

Microsoft-ը շահագրգռված է ընդլայնելու համագործակցությունը եւ շարունակելու ներդրումները Հայաստանում։ Այդ մասին ասել է Microsoft ընկերության կորպորատիվ հարցերով փոխնախագահ Վահե Թորոսյանը վարչապետ Հովիկ Աբրահամյանի հետ հանդիպմանը։ Վարչապետը բարձր է գնահատել տեղեկատվական տեխնոլոգիաների բնագավառում Microsoft ընկերության հետ ծավալված համագործակցությունը եւ վերահաստատել ՀՀ կառավարության պատրաստակամությունը՝ ընդլայնելու եւ խորացնելու փոխգործակցությունը: Հովիկ Աբրահամյանը նշել է, որ ՀՀ կառավարության եւ Microsoft ընկերության միջեւ ս.թ. մայիսին Համագործակցության հուշագրի եւ պայմանագրերի ստորագրումը կնպաստի նոր հեռանկարային ծրագրերի մշակմանն ու իրագործմանը, եւ ՀՀ կառավարությունը հանձնառու է այդ փաստաթղթերով ստանձնած պարտավորությունները կատարելու հարցում:

Ընդգծելով, որ ՏՏ ոլորտի զարգացումը կառավարության գերակա ուղղություններից է, եւ տարեկան այս ոլորտում գրանցվող աճի բարձր տեմպը պայմանավորված է նաեւ Microsoft-ի արդյունավետ գործունեությամբ՝ վարչապետը շնորհակալություն է հայտնել Microsoft ընկերության աջակցության համար, որը դրսեւորվում է մեր երկրում գործող ինովացիոն կենտրոնի եւ այլ նախաձեռնությունների միջոցով:

Իր հերթին Վահե Թորոսյանը նշել է, որ հպարտանում է ՀՀ-ի եւ Microsoft-ի բազմաթիվ համատեղ ձեռքբերումներով, որոնք նպաստել են մեր երկրում ՏՏ բնագավառում արձանագրվող շարունակական առաջընթացին: Microsoft ընկերության փոխնախագահը շնորհակալություն է հայտնել վարչապետին՝ տարբեր ծրագրերի իրականացման գործում ցուցաբերած աջակցության համար եւ բարձր գնահատել ՏՏ ոլորտի զարգացման ուղղությամբ ՀՀ կառավարության կողմից իրականացվող քայլերը: Պարոն Թորոսյանը նշել է, որ Microsoft-ը շահագրգռված է ընդլայնելու համագործակցությունը եւ շարունակելու ներդրումները ՏՏ ոլորտում՝ նպաստելով մեր երկրում տեղեկատվական տեխնոլոգիաների զարգացմանը: Միեւնույն ժամանակ Վահե Թորոսյանը վերահաստատել է Microsoft ընկերության պատրաստակամությունը՝ կատարելու Համագործակցության հուշագրով եւ պայմանագրերով ստանձնած պարտավորությունները:

Բարձր գնահատելով ներկայիս համատեղ ծրագրերի ընթացքը` Հովիկ Աբրահամյանը եւ Վահե Թորոսյանը մտքեր են փոխանակել հետագա համագործակցության հեռանկարների շուրջ: Մասնավորապես, արծարծվել են համատեղ նոր ծրագրերի իրականացմանը, մտավոր սեփականության պաշտպանությանը, կրթական նոր նախաձեռնությունների կյանքի կոչմանը, ինչպես նաեւ երկկողմ հետաքրքրություն ներկայացնող մի շարք այլ հարցեր:

ՀՀ-ում տեղեկատվական տեխնոլոգիաների եւ ինովացիոն բնագավառների զարգացման գործում ներդրած նշանակալի ավանդի համար Microsoft ընկերության փոխնախագահ Վահե Թորոսյանին կառավարության ղեկավարը պարգեւատրել է ՀՀ վարչապետի հուշամեդալով:

Տպել
Կարդացեք նաև
Ամբողջը
Fastex-ը շարունակում է Web3 տեղեկատվական հանդիպումների շարքը Հայաստանի բլոկչեյն էմբասիում (ֆոտո)
Հիմնական թեման ապակենտրոնացված հավելվածներն էին (dApps), կրիպտոարժույթները, բլոկչեյն էկոհամակարգն ու դրա հիմքերը..
Թրամփի սոցցանցի գինը աճուրդի առաջին իսկ օրը հասել է 9 մլրդ դոլարի
Սա Թրամփի կողմնակիցների խանդավառության նշան է...
Գիտնականներբ արհեստական բանականության կիրառմամբ բարելավել են գարեջրի համը
արհեստական ​​ բանականությունը կարող է օգնել բացահայտելու մարդու՝ բույրի ընկալման հետ կապված բարդ հարաբերությունները․․․
Bloomberg. Starlink տերմինալները անօրինական կերպով վաճառվում են սև շուկայում
Դրանց մաքսանենգության ձևը, ինչպես նաև Starlink-ի ակնհայտ առկայությունը սև շուկայում ցույց են տալիս, որ...
ITHome. Չինաստանում փորձարկել են 10G արագությամբ ամենաարագ շարժական ինտերնետը
Օգտվելով նման ինտերնետից, կարելի է 8K լուծաչափով, 90 ԳԲ ծավալով երկու ժամանոց ֆիլմը  ներբեռնել ընդամենը 72 վայրկյանում
Իսպանիայի Գերագույն դատարանը դադարեցրել է Telegram-ի գործունեությունը երկրում
Telegram-ը չորրորդ ամենահայտնի մեսենջերն է Իսպանիայում
Ամենաշատ