ՄԱԿ-ի գլխավոր քարտուղար Բան Կի Մունը Գլխավոր վեհաժողովին առաջարկել է համաշխարհային կազմակերպության 2016-2017 թվականների բյուջեն հաստատել 5.57 մլրդ դոլարի չափով: Ելույթ ունենալով Վեհաժողովի 5-րդ՝ բյուջետային հանձնաժողովի նիստում, նա նշել է, որ դա 1.6% ով (90.8 մլն դոլարով) պակաս է ընթացիկ երկամյա ժամանակահատվածի հատկացումներից:
ՏԱՍՍ գործակալության փոխանցմամբ, ծրագրվում է ՄԱԿ-ի բյուջեն հաստատել մինչեւ տարեվերջ: Այդ գումարում չեն ներառվի խաղաղության պահպանմանն ուղղված գործողությունների ծախսերը: