Եվրամիության Խորհուրդը համաձայնել է 4 ամսով դադարեցնել Բելառուսի նկատմամբ սահմանված պատժամիջոցների գործողությունը, սակայն անհրաժեշտության դեպքում կարող է կրկին կիրառել դրանք: Լյուքսեմբուրգում ԵՄ Խորհրդի՝ ԱԳ նախարարների մակարդակով կայացած հանդիպումից հետո հոկտեմբերի 12-ին լրագրողների հետ զրույցում հայտարարել է Ֆրանսիայի եվրոպական գործերի պետքարտուղար Առլեմ Դեզիրը:
Բելառուսական TUT.BY կայքի փոխանցմամբ, նա նշել է, որ ընդունված որոշումը հնարավորություն է ընձեռում երկարացնել Բելառուսի դեմ պատժամիջոցները, սակայն դադարեցնում է դրանց գործողությունը՝ նպատակ ունենալով նպաստել մարդու իրավունքների, ժողովրդավարության եւ իրավական պետության սկզբունքներին հետեւելուն:
Պատժամիջոցների դադարեցումը վերաբերում է միայն իրավաբանական եւ ֆիզիկական անձանց սեւ ցուցակին, մինչդեռ զենքի էմբարգոն շարունակում է ուժի մեջ մնալ: