Supercar Driver սուպերմեքենաների սեփականատերերի ակումբը անցկացրել է առաջին անկախ համեմատական թեստը՝ համեմատելով McLaren P1, Ferrari LaFerrari եւ Porsche 918 Spyder սուպերհիբրիդները՝ պարզելու համար, թե նրանցից որն է ամենաարագը։ Փորձարկումներն անցել են բրիտանական «Սիլվերսթոուն» մայրուղու վրա։ Բոլոր մեքենաները տրամադրել էր կոլեկցիոներ Փոլ Բեյլին։

Ամենաարագ մեքենան պարզվել է McLaren P1-ն է, որը մայրուղին անցել է 58.25 վայրկյանում։ Երկրորդ տեղում է Porsche 918 Spyder-ը՝ 58,48 վայրկյան, իսկ Ferrari LaFerrari-ն ցույց է տվել երրորդ արդյունքը՝ 58.58 վայրկյան, փոխանցում է Motor-ը։

McLaren P1-ը ունի 3.8 լիտր ծավալով տուրբո շարժիչ, 179 ձիաուժ հզորությամբ էլեկտրաշարժիչ։ Գումարային արագությունը կազմում է 916 ձիաուժ։

Ferrari LaFerrari-ի 963 ձիաուժ հզորությամբ մեքենան ունի 6.3 լիտր ծավալով, V12 մխոցներով, 800 ձիաուժով բենզինային եւ 120-կիլովատանոց էլեկտրաշարժիչներ։

Porsche 918 Spyder-ն ունի 8 մխոցանի, 4,6 լիտր ծավալով 608 ձիաուժ հզորությամբ բենզինային շարժիչ եւ 2 էլեկտրաշարժիչ (156 եւ 129 ձիաուժ)։ Ընդհանուր առմամբ շարժիչները զարգացնում են 887 ձիաուժ արագություն։